“Real”:  Pul katta bo‘lsa, yulduzimiz Manchesterga boradi

“Manchester Yunayted” rahbariyati tarkibni kuchaytirish maqsadida “Real” yarim himoyachisi Karlos Kazemironi transfer qilmoqchi bo‘layotgani haqida xabarlar tarqatilgan edi.

Manchesterlik skautlar Madridda mana shu transfer bo‘yicha muzokaraga kirishgan.

Ma’lumotlarga qaraganda, “Real” agar angliyaliklar mo‘may pul taklif qiladigan bo‘lsa, braziliyalik futbolchini ushlab o‘tirmasligini bildirganini ta’kidlamoqda. O‘z navbatida, manchesterliklar Madriddan ketishni istamayotgan futbolchini katta maosh bilan fikrini o‘zgartirishi mumkin.

Kazemiro faoliyati davomida klublar miqyosida 458 ta uchrashuvda 42 ta gol urgan va 40 marta jamoadoshlariga golli pas uzatgan.

30 yoshli o‘yinchining trasnferi 40 million evroga baholanmoqda.